神奇的1/1
講左半年要約睇叱吒真係成事 (雖然認真睇既得十個左右XD
全晚有三個位直頭係感動
第一係樹拎女銅
我見親佢拎大獎都會生出一種「無諗過有呢日」既感慨
但當佢完成一個又一個成就之後，我覺得我格局要放大啲了
梁總理這樣的神奇女子，係佢身上無野不可能
然後當然係蕾子既女金+最女
其實呢兩個獎都懸，所以當佢真係拎齊果陣係激動到癲
年年都話陳蕾值得，終於今年不止拎到仲拎齊......
唉唔識講，總之陳蕾世一！！
但最最最大驚喜都係軒公拎最男
人愈大愈可以深刻理解啲細個覺得好老土既道理
例如見到軒公真係深深體會到咩叫努力係有回報
一個人努力到旁人都會覺得心痛
最終得到一個看似不可能得到既獎呢件事係超級勵志
呢個就係年年鬧叱吒, 不斷話just a game
但心底又明白佢與眾不同既地方
畢竟呢個係僅餘既地方
可以俾返credit一群努力左一年既人
最後，雖然無提林伯，但其實林伯存在感好強
開場表演歌頌，然後男金唱作金作曲人
只係佢拎個人獎係意料之中
反而全晚唯一既怒點就係十大調獎無頒歌曲俾佢
(903調獎調得太明顯了點=”=
但overall我真係開心，到第二日都仲感動緊果種
覺得終於俾返應有既回報佢地吧
文章標籤
全站熱搜
