過左個大海黎到倫敦(人)，坐住列車駛進L*underground，進入林家謙既幻想世界。我地呢晚跟住佢深潛海底、飛出太空，甚至回到仍然色彩斑斕既舊香港。
幻境裡既林家謙會跳舞、會解衫鈕壞笑 (with阿伯打底白背心)、會遞咪大合唱、會encore再encore......
呢到奇幻又玄妙，如夢般流光溢彩。
有時我會覺得自己對林家謙作品喜愛程度深得莫名其妙且無以名狀。
直到終於親身黎到佢演唱會先窺見一角。
林家謙身上有份童真，深深反映係佢作品之上。會令你覺得呢個人就算被凜冽寒風刮打過、風刀霜劍雕刻過，甚至血液都發冷既時候，佢內心角落仍然會對世界保留一份天真溫暖。
佢發出共嗚既方式唔係Eason同宥嘉果種寫在聲線上既濃墨重彩；而係將要投遞既東西，傾注所能使用既一切工具——旋律、歌聲、樂器、色彩、畫面......細緻且精心地打包好再發出去。
因此佢做既東西和諧、渾然天成，連悲傷都繽紛。誠意同用心之重，會壓係人心上，令你忍俊不禁地打從心底裡回應。清醒過來，發現自己唔知幾時或笑容滿面，或眼角冰涼一片。
重申，我真係無咁鍾意呢條仔，我係鍾意佢作品咋！
(But if I had a choice, I would still choose fear and dreams (cry
文章標籤
全站熱搜
