2023神奇在於，
我諗十年前既我打死都唔信自己會做呢啲選擇
首先係搞左三年幾，終於搞到我第二個學位
無論學業定工作都忙到一頭煙 (仲仍然(被迫)做運動
但發現本手帳空白左幾個月果下反而有種慶幸
對經常思慮過重既人黎講
忙碌係可以令人放低啲原地踏步既冥思苦想
丟棄啲本質上解決唔到既鑽牛角尖
其次，當一個社恐左3X年既超級I人終於立定決心行出舒適圈
就好彩遇到一群善良有趣既靈魂，係非常令人感恩的
無論同呢群人行到去邊都好，我得到果份信心都已經刻左係骨子裡
呢份無意間得到既勇氣會埋藏係我之後每做一個選擇間
諗諗下，所謂什麼循環可能都係吸引力法則
要自己做好人，先會遇到同樣好既人呀
早幾年呢啲時候我都會寫下來年願景
但今年我覺得寫唔寫都無所謂了
因為我諗唔到咩原因我唔會變得更好
三十幾歲人，終於有種靈魂開始拼湊完整既感覺
當諗起呢啲我出生就沒有被給予既東西
而家係靠自己一點一點努力執返來
就覺得好多時候應該原諒自己多點，是吧
最後我發現，一日書蟲一世書蟲
唔蛀只係無遇到對的木頭
丟低左小說十年，今年又不小心重新墮坑
所以如果真係要寫願景
大概只有「自修室內嚴禁煲小說了」
#文筆好可以拯救世界
#文筆好可以縱橫銀河
#文筆好可以統一宇宙
#P大是我2023遇到的恩賜
#P大不是神但比神更值得成為信仰
文章標籤
全站熱搜
