大概半年前，仆街老細塞左兩個祕書部文員入我地office，一個八婆一個佛系。幾個月下來，我有以下觀察。
大部分類型既八婆都係無能懦弱，生活無聊空虛。正事唔敢處理，只能靠不斷收集他人私事以填滿寂寞。自我滿足既部分係黎自：
1. 手握情報（我知你唔知既虛榮感
2. 競爭心態（你過得比我差就是爽
所以呢D人無所事事，問親公事剩識卸，但有無聊事或者有八卦既地方，佢地一定係前線。
但呢個八婆唔同。佢更大部分要收集情報既原因係焦慮。佢工作只係負責將唔同部門既文件交俾老細簽，但佢就係要知道埋文件入面係咩，愈多人搵佢討論佢愈安心。Pat pat掂唔著個位，唔行下就好似俾蟻咬咁。一個鐘行過我身邊五十次，而只要經過，都一定要望下你做緊咩。
連之前俾佢蝦唔鋸佢既佛系同事有日都忍唔住問佢：你好想有人搵你咩？
我都幾肯定佢係其他部門同事眼中係友善樂於助人幫得手；但我只想講句：焦慮症就睇醫生，我既工作我自己會做同埋望L夠未呀八婆！！
(係我後面望就以為我唔知 ，但唔好意思我背脊有眼
(圖為某日我忍無可忍貼出黎既警告，貼出黎一分鐘佢就「咁岩路過見到」，而效果係持續左一朝
(求進階版但俾人問起可以合理解釋既警告
(粗口唔得
(雖然我好想
文章標籤
全站熱搜
