又一年年末。
今年印象最深刻一定係未解封就出走，仲一走就兩個月。其次係年尾撲飛撲到絕望時，另闢蹊踁下竟然R到四場。唔知點解釋今年——特別係最後呢個月，過得有幾神奇。如果要總結，可以話係「相信一切是最好的安排」？But before that 係需要努力努力再努力。
行動係我呢幾年最大得著。
以前成日「想點想點」，但就真係坐係到想。不斷搵藉口，其實係恐懼未知與失敗，寧願於安逸中被麻木蠶食；變得平庸，再說服自己大部分人都係咁。但心裡又默默明白，平庸同平凡唔係同一樣野。
幸而我從未相信當世界變壞，跟著沉淪係順理成章既說法。
而當我了解到行動先係最有價值既部分後，附帶既一份大禮係我可以有意識地將妒嫉移除。
去年年末我俾自己既寄語係學習愛自己。
寫果陣都覺得心靈雞湯，得個講字而唔知點落實，亦都唔知點叫落實左。
但今年發現，每當我覺得自己勇敢左，有想法亦有行動；信念變得堅定，更加可以灑脫看待他人既評價時，自愛既感覺就會湧上黎。
來年除左繼續學習愛自己，更願我懂得謙卑，少一分憤世嫉俗而多一分理解和體諒。（以我既性格，一分都真係已經好多）
最後就係，經歷左所有人都小病小痛既2022，年尾見到大家都有種「可以健健康康一齊過節真好」既體會。
成日覺得自己長唔大，唯有出現呢啲想法時，先會發現自己其實係老緊。
真心祝願所有人來年都健健康康，身心都係。
Love, Egg" :)
文章標籤
全站熱搜
