UNDERLAND

呢個weekend睇左兩場Serrini x Ivana

都幾驚訝俾左完全不一樣既感受我地

會買兩場最大原因係睇完未來音樂祭

覺得Ivana同任何人合作都可以有好大火花

今次仲要係同Serrini！！

兩個都活係另一個世界既音樂人碰撞，有咩可能唔好睇？

但頭場睇完，竟然真係唔係好明點解要呢兩個單位合作

除左一開場「靜謐神林+天堂有路」就係我想睇既火花之外

其餘都各唱各得黎係無咩特別，甚至轉場有少少卡

但尾場每個細節都改善左，加埋就令成件事順暢超多

一係改左少少rundown，過場縮短左，VCR調左位，安排多左合唱等等

二係音響好左，由頭到尾觀影感受都一致，無明顯落差影響投入度

三係兩位尾場都唱得好超。級。多（特別係Ivana

不論頭尾，個show我真心瘋狂既位都係因為Ivana

雖然唔穩定，唱Serrini啲歌又唔熟

但佢既歌聲同表演散發既能量係痴線的

全晚最印象深刻係「WHITE」——係內歛中爆發

「THE PINK ROOM」——迷幻搖滾既極致

「迷失藝術」——Ivana既歌中我既最愛

（兩場睇完都係講住同一句：好想睇Ivana演唱會...

Serrini呢兩年每次見到我都好驚訝點解又進步左

唱功、氣息、音準一次比一次穩定

SWEET SWEET CHRISTMAS、靜靜、樹 vocal直頭完美

唔使好似早幾年咁再同人解釋我點解咁鍾意佢

就咁dump條片過去都OK既歌手了

不過佢一直係一個full package

talk+(her own)concept+vocal+performance先係100%既佢

係「公眾場合」既Serrini魅力係有點點打折扣

而且同Ivana同台，就知Serrini作為歌手既問題

最明顥係迷失表參道，編曲本身無太大遞進

要勾起觀眾情緒就需要歌手唱出層次

但你就覺得Serrini每段唱法都差不多

聽完會「下完啦？」而唔係「Diu好爽」

But，雖然話睇到佢既局限，但你又會覺得只係暫時

畢竟Dr.Leung聰慧無比，進化既速度同細菌繁殖差不多

頭場睇驚喜，尾場黎享受

結論：演唱會都應該睇兩場 (銀包: ......)

後記

一開場既Ivana著左件裙擺有支架既全黑長裙

Serrini：我著到唱K小魚仙咁，唔敢行近Ivana，唔想好似襲擊露營人士咁

我笑到仆街 (因為我一開始都覺得似帳篷XDDDDD