UNDERLAND

 

紀錄下為左kkbox抽Eason演唱會飛寫既短作文 

(問題係想聽咩歌同點解)

(佢有限字數，如果無我可能會寫篇類似「今日營業中」既文案XD)

一個靈魂的獨白。

一開始聽呢首歌唔太入耳。太慢、太平、太低沉。但有啲歌係要求受眾要有咁上下經歷同專注先會發現佢既好。

近幾年社會急劇改變，大家突然發現習以為常既人事物，失去原來只需一夕。好多人被困係痛苦之中，或變得消沈，或變得憤世。而呢首歌話，失去先係恆常，但愛會係一切既解答。既然一定會失去，就珍惜當下，莫要靈魂消逝時先後悔。

其實呢首歌好難唱，又低又缺乏起伏，純靠感情支撐。但Eason之所以為神，係佢唱歌時既舉重若輕。技巧早已內化，亦唔靠浮於表面既激昂表達情感，但情感就係會重重咁壓在每位聽眾心上。

無論係我地定歌者，經歷左早幾年既事，而家聽呢首歌都岩岩好。

但佢太慢，而呢個社會太急。

我地都需要一個機會，靜靜地、聽Eason慢慢地唱。