UNDERLAND

 

係FB好多唔同關注組都有一班人係到屌人出藍店post

我睇多幾睇，好似諗通左點解會有黃衛兵既出現

 

有類好自卑既人會不顧一切想滿足權力慾

以前佢地得不到，所以只能係網上做黑酸

乜都睇唔順眼先顯示到佢地高人一等

就係咁樣一群以前現實生活中無人會care既人

（not intentionally）突然拎到一條可以輕易掌控他人既鑰匙

 

只要將「黃」dump出黎，無論講咩，所有人都要屈服

原來有一個咁簡單既理由，可以享受到支配他人既甜美滋味

可惜時間過去，疲勞又好、駝鳥又好，大家都開始脫離呢個緊箍咒

佢地手上既權力漸漸流失，於是變得乍看下令人難以理解既憤怒

 

唔否認的確有少部人係純粹覺得大家遺忘得太快而嬲或者失望

但果啲人唔會日日屌人去藍店買野，但自己又搭黨鐵

自己搭鐵係方便、住果頭無得揀（blahblahblah下刪十萬個理由

但人地買野除左去藍店就一定仲有其他選擇，仲去就抵屌

um...大家都應該知佢地評價他人行為既標準係來自什麼了吧

 

我係認真睇唔出呢類人而家邊個行為，真心係為左抗爭

But！！邏輯要理順，一碼歸一碼

就算無腦、自卑、有人話人無口話自己都好

起碼佢地仲有僅存既良心

係而家呢個香港，好似都唔可以要求更多了