幾個月前，我係一個連Mirror有幾多人都唔知既路人。
勉強可以因為喜歡阿Jer既音樂而稱為佢既「街客」。
但睇頒獎禮見佢地係台上唱跳既時候，視線五秒內會自動停留係Anson Lo身上。
一個人既氣場只能靠自信沉澱而來，係練唔到的。
但果陣除左睇好佢發展之外，都未有咩特別感覺。
直至被youtube演算法推薦我睇左呢條片－－
救命。呢個boy點、解、可、以、咁、可、愛。
年紀愈大，愈發現自己其實無自己以為既咁在乎社會價值觀。
果啲咩三十歲應該搵份穩定既工作升職加薪一路做到死；
有車有樓，結婚生仔；空閑時炒下乜乜物物坐大戶口數字。
我都係果種，OK, but, diu, 人生係自己要過既，關人隱事咩。
而且香港都變到咁啦，仲講咩安穩正常。
世界一直嘗試框住我地，佢地會以好多形式黎包裝自己，道德綁架得好冠冕堂皇。
無行父母想你行既路叫「不孝」；唔係坐office朝九晚五既工作叫「唔穩定」；
人生目標唔係升職加薪做管理層買車買樓係「缺乏上進心」；
反抗上級無理要求叫「唔尊重」；欣賞明星叫「幼稚」；鍾意同性叫「異常」......
世界想從你身上得到利益，就要灌輸呢啲觀念俾你、打壓你；
等你唔再思考內心真正想法，唔再為自己爭取任何野，做個聽話既順民。
遵從呢啲所謂身不由己係容易的，自己做選擇反而需要承擔後果既勇氣。
於是阿德勒提出「課堂分離」：
「被框 / 不被框」個決定權其實一直係自己手上。
有啲事我可能都唔夠勇氣反抗，但唔阻礙我appreciate有勇氣既人。
懂得欣賞、尊重世上所有可愛既人事物都唔容易架。
無論世界嘗試係我頭上扣咩帽子都好，佢地都攞唔走我呢份能力。
btw，真心希望有日性向平權既程度，係唔再需要為任何性向打氣；
正如我地從來都唔會因為喜歡既係異性而需要人支持一樣。
呢句話唔係為單一既人而講，而係為世上所有仍然被迫害既人而講。
#CutenessOverload
#可愛拯救世界
#LoveWillAlwaysWin
