UNDERLAND

 

係我十一二歲開始聽流行曲時，香港真係可以話無特別知名既線上樂隊。

當時樂壇由一堆偶像歌手佔領。

但慢慢到我大D，RubberBand、Mr.、SupperMoment、觸執毛等漸漸冒起；

再後來DearJane、KillerSoap、Kolor、GDJYB、Yellow、Blaster、小紅帽等亦相繼紅起來。

到而家，我發覺我聽既廣東歌已經8、9成都係樂隊。

今晚可以算係一個突破。

雖然未去到指標性既紅館，但兩場會展，都行左好大一步。

Sunny話溫柔革命係樂隊既革命，希望更多BAND可以慢慢企上大舞台，被更多人聽到。

真心覺得，呢個里程碑應刻上SupperMoment既名字。

今晚其實係一個好直接地將SupperMoment既歌唱哂出來既音樂會；

唔見有什麼好特別既段落或橋段安排。但絕不缺熱情感動。

與其冒住時間同經驗不足既風險黎搞一堆噱頭，

我覺得咁樣老老實實地唱，係好清楚自己優缺點既安排。

佢地既歌本身夠好。正經地唱，已經可以令觀眾非常投入。

其實最簡單，向來最能擊中人心。

我懷疑自己有無睇過咁直接既演唱會。

由第一首跳到最後一首；

除左成身汗水，仲莫名被世界變了樣逼出了淚。

我同時懷疑自己有無係演唱會咁樣大哭過。

另外band既fans真係特別熱情的。

暖場樂隊 (GDJYB，又係你地！) 叫企就企，even Supper幾分鐘後先出場，都無人坐低過。

好多人都係差不多到尾段，真係搖到攰先坐返低。

好耐無係個人音樂會見到咁大班咁熱情既歌迷了~

11點半完場，返到屋企沖埋涼吹埋頭種埋菜都係一點，會展好似仲近過紅館XD

完滿既一晚，多謝SupperMoment。

有你地，我毫不懷疑香港樂團將可成就一場溫柔革命。