過左呢晚，我覺得我認識既蘇打綠太狹窄。
以前一直俾佢地既標籤通常都係文藝、小清新、抒情等文青風格，
但7.25晚上呢三小時，我卻見到可迷幻可電子可動感可抒情可勵志既蘇打綠......
我未見過既，甚至有更多更既可能性？
係我心中呢晚基本分為5 part，第一係大家耳熟能詳既歌；
二係比較抒情；三有點迷幻電子風；四係high歌；最後就係encore點歌環節。
其實第一段之後我有少少擔心下半場點算，因為我識既歌都差不多唱哂係呢到；
但一場好既演唱會，就係要令你不止覺得無聽過既歌好聽，甚至純演奏都正爆！
當黎到「雨中的操場」果陣 (後來查的)，
淨係前面鋼琴聲我已經完全沉醉左，後來青峰入歌，雞皮簡單無落黎過.....
除左林宥嘉，我好似無對過第二把聲有咁強烈既感應，實在太變態....
但可惜既係，返到黎搵CD版聽，完全無左當下果陣感動。有D歌係應該活係現場的....
呢晚淨係呢首歌已經值回票價了！！如果有機會，我真係可以為左呢首歌黎！
然後到去包圍，又係一個全新既蘇打綠。我唔知佢地可以咁電子！比CD強烈幾百倍！
直到小星星，又變成有點迷幻風。有五、六分鐘，主唱只係配合演奏哼幾句，成個氛圍正到暈！
真係好喜歡呢種迷幻風格，呢種感覺只有係林宥嘉身上搵到過。(幾日前佢退左伍我有點太期待)
換下來一堆HIGH歌，唔識唱都不妨礙我地high到爆XD
另外，我好想問台灣樂團係咪都有諧星本質，talking都好笑到XD
青峰如果同EASON開個演唱會，應該有8成時間都係到傾計！！
有時佢吹到我都好想問佢你到底幾時先要唱XD
佢每次talking都鉅細無遺既講述哂成個故事 (ex團員係點樣跌野同無記性)；
最後唱掉了之前，仲用左最少5分鐘黎玩家凱 (破音+ 破褲子)。
不過係一個出道左咁多年既團身上，仲搵到呢種真摯隨性同純樸感，真係好難得。
有時唔熟悉有唔熟悉既驚喜感，今晚既蘇打綠完全超乎我想像。
好可惜今次係同佢地既第一次，而唔係再遇見！但相信我以後都唔會缺席了！
無五月天既2015，重來紅館幸好有蘇打綠。實在非常感謝！
