UNDERLAND

去睇方皓玟演唱會。而家先發現我無聽過佢唱live。
意外地，小明氣息比想像中唔穩，氣勢同聲線都唔係好壓台，都唔知咩原因無乜表情。
歌者聲線唔壓台，為左唔俾BGM食左，vocal聲量就要相對拉大。
當音響非常好時，一點點小缺憾都會好明顯，於是佢就唱得更小心。
最後成晚都無放開過黎唱，每首歌都缺乏起伏。當表演者太謹慎，氣氛就炒唔熱。
同雪姐一致認為，好似聽緊音響非常好既卡啦OK。

純唱歌果陣講真我有d放空；但有dancer 既部分就非常精彩。
「唵嘛呢叭咪吽」與12位門徒共舞、「人話」50人tutting既編曲、編舞、舞台效果配合得好好。
有藝術性之餘，仲將小明魅力值拉滿。意外地，佢跳舞果陣唱歌又無點受影響。
大概本身氣息唔差，只係無信心放開黎唱。
演唱會其實係好睇，誠意、想法、能力、配套都齊，就係本人自信不足。
音樂人黎講小明做得好好；但作為一個歌手，可能需要嘗試更多現場演出。
去感受下live唔一定要唱得完美。只要你夠投入，觀眾都會好熱烈。
btw 睇左咁多演唱會，終於遇到果個傲嬌boy (aka 國民處女/ 鄰家him) 本人！！
條友仔成日係到偷笑XD 得啦唔使討拍啦，就算你係處女都鍾意你啦！